theme-sticky-logo-alt
theme-logo-alt
Advertisement ad1
Advertisement ad1

Da kynjoh 100 Meter jrong i jhep wa khlem kit ha Jowai

Advertisement ad1
Advertisement ad1
Advertisement ad1

I jhep ha Jowai hadien wa da sangeh hi wot wow kit nadooh ka 04-02-22, da lang da kmai wei da jrong bha i najrong wa smatung khamtam ha Iawmusiang wei hawa pyrchang wow lai thaw katwon jrong ini i jhep deiwa rah da u Measuring Tape wa jrong 30 Meter namo 100 Feet da chem toh uwa tbian wa dang tam da i jhep sa kamwa 10-20 Meter itæ yei jhep wa em hajan ka yung krehkaam u DC, Jowai.

I jhep won wa em hajan Thomas Jones Synod College toh iwa jrong chooh chooh yeini iwa da poi kamwa 50-60 Meter wei waroh deilang da em i jrong kamwa 80-100 Meter.

Advertisement ad1

Ki dukan wa da khang da em 9 tylli kiwa em hajan i jhep wa em hajan yung krehkaam u DC, kiwa da khang neidaw wym neh chah de yei sma, katwa iwi won wa em hajan ini hi i jhep i wym pu em khang da pynjoor dei thang dhup wei hawa yaklam wa ki da ong ki wa boi yei u khang manda joor lang i jhep hakhmat dukan.

Ha kani ka tayaw leh daw sdang sa ka Chaad Sukra ka Seiñraij Jowai kawa daw pynkut ha kani ka 24 tarik deiwa lai mih cha Iawmusiang, tangwa dang yoo khor u khih i jhep hanla ka yung bichaar High Court ka Meghalaya da phah ko ya ka JHADC waka Jowai Municipal Board wow kit noh hadien wa yaleh mukotduma ka Synjuk Waheh Chnong Jowai heiwa ya ka mukotduma daw chong bichaar biang ha kani ka 20 tarik.

Share this:
Previous

Dawa ki ar seiñ wow chna ya u Transformer wa da sih ha Khliehriat East

Next

Da pynman ya ka Health Mela ha Pamra Paithlu PHC