theme-sticky-logo-alt
theme-logo-alt

Da pynman ya ka Health Mela ha Pamra Paithlu PHC

Kam chibynta yong ka “Azadi ka Amrit Mahotsav”, da pynman ya ka Block Level Health Mela lyngba ka National Health Mission, Meghalaya da ka yung krehkaam u District Medical and Health Officer, East Jaiñtia Hills District, Khliehriat ha Pamra Paithlu PHC, Wapung C&RD Block. 

Ha ka yalang da wan chimbynta da u Dr. Dominic Shylla, District Medical and Health Officer, East Jaiñtia Hills District, kam u kongsan, hei emlang u T. Shylla, Block Development Officer, Wapung C&RD Block, ka Dr. N.P. Suchiang, District Immunization Officer I/c, East Jaintia Hills District wa kiwi kiwi. 

Ka thong yong kani ka Health Mela toh wow pynche paidbah hajrong ki kaam wa yatoh wa i chait kam ka Ayushman Bharat Health, ki Wellness Centres (HWCs) wei wow pynchlur wow leh ya ka Unique Health ID hapoh ka ABDM, ka Ayushman Bharat Card lyngba ka AB-PM-JAY wa kiwi kiwi. 

U Dr. Dominic Shylla, hawa e yei klam da ong u wa ka Health Mela daw man ko kam ka rynsaan wow e dawai mynkna ya ki paidbah wei wow pyntip paidbah ya ki kaam wa da pynkreh da ki chnat sorkar kiwa em ha ka District. Da kyntu u leh ya ki paidbah wow chim kabu ya kani ka Mela heiwa daw yoh yarap ki ha kiwa boon ki liang. 

Ka P. Lywait, PHN, NHM, East Jaiñtia Hills District, Khliehriat da khana ko yei myntoi wa ye u yoh na kani ka mela kam i kha i pun, i chait ki khynnah, ka IEC- Family Welfare, ki kjut NCD wei kammon yarap ka Yoga, i rukom im wa chait, wow sylli ya ki khmat wa kiwi kiwi. 

Da em hadooh 380 ngut kiwa yoh myntoi na kani ka Mela kiwa da yoh myntoi kiwa kynthup ya 204 ngut kiwa da leh ya ki Digital/Unique Health ID wa 24 ngut kiwa yoh tika yada COVID-19. 

Share this:
Previous

Da kynjoh 100 Meter jrong i jhep wa khlem kit ha Jowai

Next

Jop ka Pateinki Sabah waka Mawsiang haka 3rd Division ka WJDSA