Kam chibynta wow pyntikna wa i e tika hapoh ka ri man i iwa lai bait, ka sorkar India u pteiñ ko wow e mynkna ya i tika cha ki sorkar jylla. Ka sorkar deiwa pynlaitlooid yaki kyndon ‘Liberalized Pricing and Accelerated National COVID-19 Vaccination Strategy’ kawa da pynkrehkaam nadooh ka 01-05-21, da booh ko 50% i tika yow e cha ki jylla mynkna, katwa ki 50% kiwa sah u e laad wow thied bait na kiwa chna dawai tika da ki sorkar jylla wa ki Hospital ki bru samen.
I rukom bhah ka sorkar India ya i dawai tika toh iwa chong hei rukom pynemkaam wei deiwa kheiñ hadooh katwon da dep pynemkaam.
Kamtæ neibynta u Naiynru 2021, daw e 6,09,60,000 sien (Dose) i tika COVID-19 cha ki jylla neibynta ki Health Care Workers (HCW), ki Front-Line Workers (FLW) wa ki bru wa em 45 snem chaneiñ kiwa dei e mynkna. Najrong ini daw booh leh 5,86,10,000 Dose iwa ye ki sorkar jylla wa ki Hospital ki bru samen wow thied. Kamtæ ha u Naiynru 2021 da kynjoh 12 klur (11,95,70,000) Dose kiwa daw em kam chibynta ka thong e tika ka sorkar.
Yei pynpoi ya kini ki tika daw pyntip won wei da phah ya ki jylla wow pyntikna ki wow booh bhah ki wei wow pynemkaam hok yow lait u sepai i tika.
Neibynta u Naisan da pynbiang 4,03,49,830 sien wow e ya ini i dawai tika deiwa e mynkna. Da e leh 3,90,55,370 sien kiwa ye wow thied bait da ki jylla wa ki Hospital ki bru samen. Kamtæ ha u Naisan da em waroh 7,94,05,200 sien iwa ye wow e yei dawai tika.
