Ka sngi wow kynmoo ya ki mynsien yong kiwa da khlaad namo ka All Souls Day kawa haap ynne ka sngi da pynman ya ka leh da ki paaid wa ngait ka Balang Catholic Jowai ha loom tlep-bru ka Balang wa em ha Moosalyngkat, Jowai.
Kiwa ha-yung ha-sem da wan ki deilang wa ki syntu wei da thang mombati ki deilang wa i ngooh Blai neibynta kiwa da khlaad yow yoh ki yei maap yow poi cha beiñ.
Ha kani ka sngi chwa u thang mombati da em chwa i ngooh i dem wa i sait pap ya waroh kiwa da khlaad noh wei katkam i ngait ki khon ka Balang Catholic, i mynsien kiwa khlaad lai ki cha le tylli ki thaw. Kiwa yap khlem em i leh pap wei kiwa im katkam wa da booh u Blai lai ki cha bnieñ. Kiwa da joor i pap kiwa ym em pynkylla yei rukom im bakla yong ki lai ki cha dujok katwa kiwa em ha pyrdi won poi ki cha ka Diñ Pynkhooid (Purgatory) heiwa da ngait wa boon kiwa khlaad neh ki ha ini i thaw.
