Da kynmoo warom ya ka lyngkhooh sngi yap u Tirot Sing ha Mairang

U Montri Rangbah ka jylla, u Conrad K Sangma ynne ka sngi da lai u wow chimbynta wow kynmoo warom ya ka lyngkhooh sngi yap kawa 188 yong u khlawait ka jaitbru, u Syiem Tirot Sing ha ka yalang kawa phooh wa phieñ wa pynman ha madan Tirot Sing ha Mairang.

Da ya emlang leh wa u Phrestar Manik Syiem, Syiem ka Hima Nongkhlaw, u  K.M. Syiem, Deputy Syiem Hima Nongkhlaw, u Pyniaid Sing Syiem, Chief Executive Member ka Khasi Hills Autonomous District Council, u Metbah Lyngdoh, MLA wa Chairman ka State Planning Board najrong kiwi de kiwa da wan wow leh warom lang ya uni u khlawait ka ri.

Neiliang u Conrad Sangma da lai u leh cha Nongkhlaw kawa man ka thaw wa da kha ya u Tirot Sing kawa haap hapoh Eastern West Khasi Hills wei da yoh u leh wow ya phyllu wa kiwa chong chnong kani ka thaaiñ kawa da pynmih ya uni u chlur mynsien.

Kiwa chong chnong ka thaaiñ da lehkmen ki ya kani ka sngi deiwa pynman ya kiwa boon ki yalang, i ya rwai, i tem i put wa ki chaad tynre wa ki klam kynmoo warom da waroh kiwa wan chimbynta. Neiliang ka yung krehkaam u Syiem Nongkhlaw Syiemship leh lyngba ka yarap na ka sorkar Meghalaya da ye ko wow pyman ya kani ka yalang lehwarom kawa jop.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad hawa e yei klam kam u kongsan da pynsñiaw u yei rai kut ka sorkar wow pynneh pynsah ya ki parom warim wa ka dustur riti ka jylla Meghalaya. Da ong u leh wa man i burom wa khroo wow yoh ya kani ka laad wow ya embyntalang ha kani ka sngi neibhah u Tirot Sing ym em man u du kam u bru wa yaleh ya ka laitlooid tangwa uwa em ya ka chap chlur mynsien uwa da e reiñ wow yaleh pyrchah yei synchaar ki pharæng. “Nga kyntu O ya ki khynnah, ki khynroo khyllood wa waroh kiwa lai puræ wow bood ki ya ka nongmuna yong uni u uwa yahkhmat wei wow pynneh pynsah yei naam i burom yong uni u bru wa khroo yong i.”

Da pyntip u wa ka sorkar da e ko yei kyrchaan ya ka Khasi Hills Autonomous District Council kamjooh ya kiwi ki District Council neibynta wow booh dei thoh wei leh wow pynmih ya ki kot heiyatoh wa kiwa yahkhmat yong i.

Da kular u leh ya kani ka District thymme wow chna ya kiwa boon ki thaw wa thymme nadooh ka yung krehkaam u DC, ka Convention Centre, Auditorium, ki thaw yaleh Sports, ki baiscope hapoh ka District Headquarter.

Neiliang u Phrestar Manik Syiemlieh, Syiem ka Hima Nongkhlaw hawa e yei klam da pynsñiaw u yei sñiawkmen wa khroo hajrong i ya emlang u Montri Rangbah ha kam kani ka sngi wa kyrpang. Da ong u leh wa i kyrchaan yong oo daw nang pynkhlan yei thmu yong ki wow pynneh pynsah yei naam i burom yong u Syiem Tirot Sing wei wow kreh leh neibynta ka mynried kawa tyrchaaiñ wei wow pynneh yei hok wa i laitlooid. 

Da ong u leh, “Ryngkat lang u ya ksaaid i wow pynkupbor ya ki bru ki yong i wow tei ya ka imlang sahlang deiwa chlur, i yatylli wei deiwa ku chaphrang.”