Da kyrriah tarik ya ka Digital India Day ha Meghalaya wa ar tylli kiwi ki jylla

Shillong: Ki wa yahkhmat ka BJP Meghalaya State Unit ha i yachem ki wa kiwa thoh khubor ynne ka janmiet da pyntip ki wa u CEO ka National Institute for Transforming India (NITI ) Aayog da pynhær chithi u cha ka ophis u Chief Secretary ka jylla wow pynbna wa da pyllait ya ka jylla Meghalaya wa kynthup leh ya ka jylla Nagaland wa Mizoram na ka lehkmen ya ka Digital India Day ha kani ka 14 Naitung, kawa man leh ka sngi kyrpang Kristan.

Ya ka sngi wow leh kmen ya ka Digital India Day kini ki le tylli ki jylla ye ki u jied da kiwi ki tarik wa sñiawbiang ki.

Hei yatoh wa kani ka jooh ka kaam u MP ka BJP cha ka Lok Sabha na Jharkhand u Laxman Giluwaji, da wan hiar u cha Shillong yow pynche wa pynbna ka sorkar India wow lehkmen ya ka 14 tarik kam ka Digital India Day ha ka ri, man ko leh kam wow kynmoo warom ya ka sngi kha yong u Dr. Bhimrao Ramji Ambedkar uwa man u pa yong ka riti synshar ka ri.

U Giluwaji da ong u wa ka sorkar BJP ym em pyrchah ko ya kawon kawon ka niam wei ka 14 tarik toh kawa jia ryngkhat wa haap ko ha ka Good Friday yong uni u snem.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u wa ka thong yong ka sorkar NDA toh u wanrah ya ka roi ka paar ha waroh khlem pait chilliang ya kiwon kiwon.

Da ong chooh chooh u wa hadien wa wan ka sorkar BJP ha u snem 2014 ka la-ær wanrah ya i roi i paar da poi ko cha kylleiñ ka ri hapoh i yahkhmat u Narendra Modi.