Da lai i kaam chaphrang wow pynkreh Smart City, dang emkaam poisa chooh na ka sorkar pyrdi: Sniawbhalang 

U Montri wa pait ya ka chnat Pynroi Sor, u Siawbhalang Dhar da ong u wa i kreh ya ka Smart City da man iwa lai chaaid-chaaid, wei i lut neibynta ini i kaam man i hadooh T. 700 klur, heiwa daw pynlut mar chiteiñ da ka sorkar pyrdi wa ka sorkar jylla. Da ong u wa ka sorkar jylla dang paan yarap chooh chooh ko ya ka poisa na ka sorkar pyrdi najrong ka T. 350 klur neibynta ka Smart City.

Katkam i ong u Montri Rangbah ha ka dorbar mang tangka yong uni u snem, ka sorkar da thmu ko wow pynku ya i pynlut neibynta ka Smart City na ka T. 700 klur cha ka T. 1000 klur, wei ya kani ka poisa daw hap wow bhah mar chiteiñ wa ka sorkar pyrdi.

Hawa kylli, u Montri da ong u wa na ka T. 350 klur wa toh wow yoh na ka sorkar pyrdi, ka chnat da yoh pdiang ko kamwa T. 140 klur, katwa na ka sorkar jylla da e ko kamwa T. 54 Klur.

Da ong chooh chooh u wa i dep hadooh katni yong i kaam yaphær i na iwi i kreh cha iwi tawon, neidaw wa em ka yaw Polo Market, ka yaw Laitumkhrah wa kiwi kiwi ki kreh.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Hajrong i sahkut ki kari wa i pynkrehkaam ya ka Smart City, u Sniawbhalang da ong u wa ka chnat daw yakrehlang ko wa kiwi ki chnat ka sorkar kam ka PWD, wa ki chnat Kaam Pohyung, neibhah i sahkut ki kari toh i kaam wa da slem wei neiliang ka sorkar dang thooh ko ya ki laad wow pyndooh pyndam yeiwa eh.

Heijooh i por da ong u wa chibynta wow pynkyllooid ya ka sor Shillong, ka sorkar da pynkhreh ko wow kyrriah noh ya ki yung krehkaam cha New Shillong Township.