Da maham ya ki khynnah skur wa dih duma

Jowai : Ka seiñ EJNC da pyntip ko wa lada chem ko ya ki khynnah skur kiwa sap uniform wei heijooh i por dih duma (sikret) ki, ka seiñ daw pynchitom ko ya ki.

Ka seiñ da maham ko leh ya ki dukan kiwa dai duma cha ki khynnah kiwa dang sap uniform skur wei lada ki tre dukan ym burom ki yeini i maham ka seiñ daw pynchitom ko leh ya ki.

Ka seiñ ong ko wa da booh kam ini i maham neibhah da chem wa ini i pynmyllien ki khynnah da pynhiar dor i ya ki khynnah skur kamjooh leh ya i burom akor yong ka jiatbru leh kamjooh.

Da maham leh ya ki Restaurant wa kiwi ki dukan wa em hapoh u pood u ang ka East Jaiñtia Hills wa ym hoi u dai kiad ki heipor wa dang man skur kamjooh leh wow dai kyiad cha ki khynnah skur wei kamjooh leh da maham ya ki khynnah wym hoi u psiah ki kam cha kini ki dukan.