theme-sticky-logo-alt
theme-logo-alt

Da mang T. 121 klur ya ka Ginger Mission neibynta le snem ha ka jylla

U Montri Rangbah ka jylla, u Conrad K Sangma ynne da wai u ya ka “Ginger Mission” hei emlang u Montri ka chnat ki kaam rep, u Banteidor Lyngdoh ha Integrated Agriculture Training Centre, Shillong hajrong ka thong wow pynboon yei pynmih sy’iñ ha ka jylla cha ka 1.5 lakh MT chi snem ha ki le snem wow wan na ka 60,000 MT. 

Lyngba kani ka Mission, ka chnat ki kaam rep namo ka Department of Agriculture and Farmer’s Welfare daw wanrah ki ya ki sy’iñ kam ki IISR Mahima, IISR Varada wa Nadia (ya kiwa da rep ha ka jylla) heiwa daw yoh yarap 50,000 ngut ki warep wei daw pynku ya ki thaw rep na ka 10,000 Hectare cha ka 12,500 Hectare. 

Hajrong wow wanrah ya ki symbe wa miat wa kha roi, lyngba kani ka Mission daw esikai leh ya ki warep heiyatoh wa i rukom song namo Package of Practices (POP) wa ki stat katkam ka juk wa katni wei kammon wow pynpoi ya ki mar cha ki yaw. 

U Conrad hawa e yei klam da ong u wa ka Ginger Mission daw yarap ko wow kyntu kynrong ya i yoh i laa ki warep ka jylla. 

Da ong u wa kamwa 70% kiwa chong chnong ka jylla toh ki warep wei man i i kaamram wa emkaam wow kyruiñ cha ini i bynta wow myntoi ki. 

Chooh chooh da ong u wa u jait sy’iñ Makhir uwa da rep ha jylla toh uwa pynemkaam wow chna dawai wei ya uni leh u jait sy’iñ daw pynbna naam ya oo.

Da mang hadooh T. 121 klur ya kani ka Mission neibynta le snem wei heipor wa kut ini i por ka sorkar ngait skem ko wa ka jylla u man ko kawa le ha ka ri heiyatoh wa i pynmih sy’iñ. 

Ha kani ka sngi da saam leh ya ki symbe sy’iñ cha ki warep kiwa wan cha kani ka yalang. 

Share this:
Previous

Khut ka Maia Club Umjalisiaw wow chimbynta ha ka 5th Knockout Invitation Open To All Football Tournament 2022

Next

Lyngam ki sarok, ki skur, ki yung krehkaam sorkar nei khang chnong ha Jowai