Shillong: U Manish Chatrath uwa man u Secretary ka All India Congress Committee (AICC) wa pait leh ya ka Meghalaya da ong u wa katkam ka yutip wa da yoh, ki paidbah ka jylla da ngiah ki ya kani ka sorkar Meghalaya Democratic Alliance (MDA) wa da yahkhmat da ka NPP, neibhah ya kiwa boon kikular ym ye wow pynmankaam, la ha i pynyoh kreh ne ka kaam khayi mooyong.
Da ong u wa ka Congress ym emkaam ko wow lai bhoh ya kiwon kiwon neibynta wow yoh synchaar ha ka jylla, tangwa ka thong yong ka Party toh wow pynkhlan ya ka Party neibynta ka Election 2023.
Da ong u wa neidaw wa kani ka sorkar jylla wa katni ym ye ki wow pyndep ya ki kular, ki paidbah daw e ki ya i rai lyngba ka Election, heiwa da klam skem u wa ka sorkar ha Meghalaya daw kylla ko hadien ka Election.
Chooh chooh da ong u leh wa ka Congress ha Meghalaya ka skem ko heiwa kiwa yahkhmat dang ya tylli ki wei da kyntait u leh wa em i dawa wow pynkylla ya uwa yahkhmat ha ka Meghalaya Pradesh Congress Committee (MPCC).
