Ka Montri wa pait ya i chait i khiah, ka Dr. Mazel Ampareen Lyngdoh da ong ko wa ka sorkar da phah takit ko heiyatoh wa sahkut u thyrnia ha kawi ka manbei kawa da lai kha khon ha Ganesh Das Hospital, wei hajrong i khlaad ini i khonboo.
Hadien wa jia ini, neiliang ki bor chnong yong ka Mawlyndep da dawa ki wow e bai lutsan cha kani ka manyung. Tangwa hajrong ini ka Montri da ong ko wa ympu ye u ong iwon iwon deiwa pynynrap wa i su ya ka bailutsan toh manda chem wa leh torti kiwa sumaar, wei da ong chooh chooh ko wa daw bichaar bha ya ini i kaam.
Neiliang ka Montri da pynsñiaw ko leh i sñiawsih hajrong i khlaad noh i khonboo wei da ong ko wa kamwa man katni ym em u leh bakla da ki Doctor næ kiwa sumaar ya kini ki ar ngut.
