U Montri Rangbah ka jylla, u Conrad Kongal Sangma da pyntip uwa ka sorkar da e kti laitlooid ko ha ki Deputy Commissioner wow phah ki yei yarap cha kiwa da chah ktah nei wan ka la’ær langthari wei da pyntip u leh wa u Chief Secretary da pynlang pynlum u heiyatoh wa ini i kaam hapoh 48 kynta wei daw pynpoi ya waroh i yarap cha kiwa chah ktah.
U Conrad da ong u wa ka sorkar ha u snem wa dadep da wanrah ko ya ka Policy yow e yarap ya kiwa emkaam jhan kiwa chah ktah ha ki bor ramaw wei ki Deputy Commissioner ym emkaam de ki wow wan cha ka sorkar hawa em kam kini wa jia wei da man ki kiwa laitlooid wow leh yeiwa emkaam yow phah wei wow e yarap.
Kam wow pynkynmoo wa ynnin ka sngi Bibar ka la’ær langthari da khyndang ko naphang ya kiwa boon ki yung hapoh ka jylla heiwa da em leh kiwa mynsoo wei ki yung wa chah ktah leh da em ki boon tylli najrong wa chah ktah ki lyngkha wa ki thaw rep.
Hadooh kattæ ym pu em yoh yukheiñ ya waroh kiwa chah ktah næ kiwa mynsoo, tangwa uwi u khynnah uwa na chnong Laitdom Mairang, Eastern West Khasi Hills da dooh u yei mynsien.
Discussion about this post