Da pteiñ biang ya ka 3rd Division ka WJDSA

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi ha Kiang Nangbah Stadium hadien wa da pynsangeh neidaw wa em ka Subroto Cup ka West Jaiñtia Hills.

Ki yalehke wa da pynman ynne toh soo tylli heiwa ha kawa nyngkong da jop ka Mookaswan Dongwah ya ka Tympang Club da 1-0 da ka kool wa thap u Khel Shylla haka minit wa 19.

Ha ka yalehke wa ar hapyrdi ka Mupliang waka Umshangiar da kut da 0-0.

Ka yalehke wa le leh ym em wa jop hapyrdi ka Saindur Mihmyntdu waka Lumliarsliar kawa da kut da 3-3.

Related posts

Khut ka EJHDFA wow chimbynta ha ka 1st Open Veteran Football Tournament

October 3, 2023

Khut ka LBBA wow chimbynta ha ka Laskein Block Badminton Championship 2023

October 3, 2023

Ya ka Saindur Mihmyntdu da thap kool da u Lakhon Phawa haka minit wa 5 wa 67 wa u Tremi Phawa haka minit wa 41.

Ya ka Lumliarsliar won da thap da u Elja Ryngkhlem haka minit wa 8 wa u Dabid Dkhar haka minit wa 55 wa 59.

Ha ka yalehke wa khaddooh, ka Mookynphad Mihmyntdu da jop ko yaka Iooksi Youth Welfare da 1-0 da ka kool wa thap u Wailad Shylla haka minit wa 50.

Mynstep leh daw pynman biang soo tylli ki yalehke heiwa ka Newhill daw yachem ko waka Khliehshnong Ialong heipor 10:30 i step. Ka Mookaswan Dongneiñ daw yachem ko waka Salaroh heipor 12:00 waje pyrdi sngi. Ka Chyrmang Wah u yachem ko waka Myrjai heipor 1:30 i sngi. Ka Riatsaliya Mihmyntdu daw yachem ko yaka Pamanik heipor 3:00 waje i sngi.