Khliehriat: Kam chibynta wow yakhun pyrchah ya ka khlam u COVID-19, neiliang u District Magistrate, East Jaiñtia Hills District, Khliehriat da pynkrehkaam biang u ya ka Night Curfew hapoh District nadooh ka 8 tarik uni u bnai hapyrdi ka 9:00 i miet hadooh 5:00 i step man ka sngi hadooh ka 15 tarik.
U District Magistrate da pyntip u leh wa kani ka Curfew ym krehkaam ko ya ki pulit, ki doctor, dukan dai dawai, Fire Emergency Service, MeECL, NEEPCO & Power Grid wa kiwi kiwi kiwa da chah da ki bor ka District.
Chooh chooh da chah leh ya ki kari kit mar wow lai ki, ki kari wa kit ya ki pulit wa ki chipai, ki kari kit dawai, ki dukan chna kari ha ki sarokbah tangwa kiwa yah ya kini ki kari emkaam wow leh ki ya ki Screening ha ki thaw wa da booh.
Chooh chooh da pyntip wa ya ki Curfew Pass hapyrdi 9.00 i miet hadooh 5.00 i step nadooh ka 8 tarik hadooh ka 15 tarik uni u bnai ye u yaleh na yung krehkaam u District Magistrate, East Jaiñtia Hills District chirup wa i ebor dei thoh na u Waheh Chnong heiyatoh wa ki kaam wa emkaam ya ka Pass.
