Da pyllait paidbah ya ka kot “Samboi ïa mylliñ”

Jowai : Ynnin ka 27 tarik ha Yungwalieh ka Panaliar,  Jowai da pyllait paidbah ya ka kot “Samboi ïa mylliñ” ya kawa da thoh da u ma Riquoma Rq Laloo.

Ha kani ka sngi da wai paidbah ya ka kot da u kongsan u ma Phervision Nongtdu uwa man leh kam u Principal ka Jaiñtia Eastern College ha ka yalang wa tbian. Ya kani ka yalang da pyllai da u ma S. Quotient Sumer heiwa da yoh yei klam na ki bru wa chemphang hei yatoh wei ktien Pnar.

Hachwa u sdang ka yalang da yoh yei kyntien pdiang burom na u ma Ribait Oo Pde wei da yoh yei ngoohblai na u ma H. Carehome Pakynteiñ.

Ha kani ka sngi da yoh yei klam na u ma Lyngkit Lyngdoh uwa ong wa kani man ko ka kot wa nyngkong dooh wow pynmih heidur ki Tonic Sol-fa wei da kyntu u ya ki manbei manpa yow pynchlur ki u phah puræ Tonic Sol-fa ya ki khon ki.

Related posts

Phooh phieñ ka yachemlang ki khon ka Seiñ Raij Raliang

December 25, 2024

Daw pynman ya ka dorbar ka Seiñ Kur Shadappasah

December 23, 2024

U ma Chaphrang Passah wa u ma Dawmanchooh Lamar hei klam yong ki da ong ki wa ki kyntien Pnar yong i emkaam bha u pynkhlan i ki deiwa yah khmat ka kot wa da thoh da uni u jooh hi uwa thoh ya kani ka kot wa da pyllait ha kani ka sngi.

U ma O.R. Challam uwa man leh u President ka Seiñraij Jowai hei klam yong oo da banjoor u wa i ktien Pnar toh la kammon kammon u tipmit chwa da ka sorkar heiwa i ki paidbah u chimkhia i yeini deilang wa ka kot uni u nongthoh.

U ma Phervision Nongtdu kam u kongsan ha kani ka sngi da yaroh u ya uwa thoh ya kani ka kot wei da ong u wa ki sur donhi wa ye u pynjan yow wi u jaitbru how wi, toh u chim wa kani ka kot wa da em ki Tonic Sol-fa u man ko ka luti wow pynjan ya i deiwa tiplang i ya ki sur lyngbaa ki Tonic Sol-fa.

Wei hawa kut hadien wa da pyllait paidbah ya ka kot da yoh yei kyntien e khublei na u Nikerda Laloo Lato.

Ha kani ka kot da em ki kyntien sneiñ, ki sur rwai  (poetry), ki rwai wada pynwandur ha ki Tonic Sol-fa em haroh ki kyntien sohkhoo kattu katni.