Jowai : I yatyrrah kari wei i haap ki kari ha u surokbah NH-44 nadooh Sunapur hadooh Malidor da jia i dei langer neidaw wa sih ware u Surok.
Ini i sih ware u surok da wanrah ko leh sah block ki kari man i por ha katai ka thaiñ kawa khtah yei lai i wan paidbah khamtam kiwa lai cha kam ka Mizoram, Tripura, Silchar wa ka thaiñ Barak Valley.
Ha ka 24 tarik dang step, uwi u bru uwa da tip pyrtuid kam u Saurakh Chowdhury (47) da yap u hadien wa ka Night Supper wa chong u da haap ko cha synrang ha Rattacherra. Ha itai i jia da mynsoo leh boon ngut wei da kit ya ki cha Khliehriat CHC.
Hei step yong ka 25 tarik won kawi ka truck kit khyndawbilat da tyngkhooh wa ka truck kit phniang ha jan yingkieñ Malidor, Rattacherra ha itai i jia u driver yong ka truck kit khyndawbilat kawa em ya u Number ML 04C – 0654 da yap u pyn heitæ.
Neiliang ki paidbah nongchong chnong wa kamjooh leh neiliang ki nongyalam ka Jaiñtia Youth Federation (JYF) da kyntu ko ya kibor wa dei pait ya uni u surok yow lait na iwon iwon i jia sñiawsih.
Discussion about this post