Jowai: U Deputy Commissioner ka West Jaintia Hills, u Arunkumar Kembhavi da pyntip u wa da pyllait paitbah ïa ka Draft Photo Electoral Roll yong ki soo tylli ki Assembly Constituencies kitæ ka 1-Nartiang, ka 2- Jowai, ka 3- Raliang wa ka 4- Mowkaiaw hei yaemlang u D.P Kharsati, ADC, u S.C Laloo, ADC, B.J Kharshadi, EAC, R.Kharbhikhiew, EAC, H.M.L Kynta. EAC, ki nongmihkhmat ki seiñ saiñ pyrthai kam ka HSPDP, BJP wa ka UDP kamjooh leh ki waheh wasian ka chong Jowai, chooh chooh da pyntip wa daw booh ïa ki Draft Roll neibynta wow sakhi ki paitbah ha waroh ki Polling Station neibynta ka tarik 1 Duyatra 2016.
U ma SC Laloo, ADC da pynche u wa ki nongthap vote ye ki u ujor neibynta pyrchah kani Draft Electoral Roll na ka 16 Naichiphaw hadooh ka 10 Khonchonglad 2015 weiwa u bichar ïa ki na ka 12 Khonchonglad hadooh ka 4 Kmaichonglad.
U kyntu ya kini weiwow booh wa ki dur ha ki weiwow chon biang ïa ka ha ka supplementary list toh ha ka 23 Kmaichonglad 2015 wei u pynmih ïa ka Electoral Rolls wa pura ha ka 11 Duyatra 2016.
Discussion about this post