15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynbna Containment Zone yaka Star Cement hadien wa em 118 ngut kiwa yoh COVID-19

Advertisement ad1
Advertisement ad1

U District Magistrate ka East Jaiñtia Hills da pyntip u wa hadien wa em 110 ngut kiwa yoh COVID-19 deiwa leh yaka Random Testing namo ka Test paidbah heiwa da em leh 8 ngut kiwa liwan na baar jylla kiwa yoh ya uni u khñiang hadooh ka 10 tarik uni u bnai ha ka karkhana Star Cement kiwa yabi na uwi uwa yoh nyngkong.

Kamtæ da pynbna yaka MTEPL, CMCL waka Star Cement Meghalaya Limited kam ka Containment Zone yow ye u leh ya i booddien ya kitu kiwa yachem wa uwa yoh COVID-19 kamjooh kiwa yachem pateiñ deiwa leh da ka Antigen Rapid Test waka RT-PCR Test.

Kani ka Containment Zone u krehkaam ko nadooh ka pyrdi synyaw ka 11 tarik hadooh 6 waje i step ka 14 tarik uni u bnai.

Da khang ya kiwon kiwon ki bru wow psiah chapoh kani ka karkhana kamjooh kiwa em hapoh yong ka wow mih ki cha lait wei wow neh bait ki hapoh ki thaw sah yong ki.

Da khang leh wow pynman ya kiwon kiwon ki yalang hapoh kini ki thaw.

Ya kiwa leh pyrchah daw pynchitom katkam ka aiñ Disaster Management Act, 2005.

Share this:
Previous

Khlaad noh u Simon Siangshai uwa jooh man kam u MLA/MDC warim ka Khliehriat

Next

Pynche u waheh chnong ka Sohmynting hajrong i chah pynbad wa baamtooh yaka Scheme paikhana