U District Magistrate ka West Jaiñtia Hills ynne ka 25 tarik da pynmih hukum u yow pynbna ya iwi i yung wa em ha Ladthadlaboh, Jowai kam i Containment Area nadooh 5 waje i step ka 26 tarik uni u bnai hadooh 5 waje i step ka 29 tarik uni u bnai.
Ya ini da leh hadien wa em wa yoh COVID-19 kamjooh wa em kiwa em hei maa (High Risk Contact) wow yoh ya uni u khñiang ha i yung u (L) Arwot Lamare wa em ha Ladthadlaboh Main Road, Khliehumsacham, Moosalyngkat Road, Jowai; kamtæ yow yada ya ki paidbah kamjooh yow leh yeiwa emkaam kam i booddien (Contact Tracing) Quarantine, Testing wa Isolation yow lait u poor uni u khñiang da pynnbna ya waroh iwi i yung (Building) kam ka Containment Area yow khang yei psiah i mih khlem yoh bor.
Da khang ya waroh ki bru wow psiah chapoh kani ka Containment Area kamjooh kiwa em hapoh ini i yung wow neh bait ki hapoh yung.
Da khang wow pynman ya kiwon kiwon ki yalang hapoh kini i thaw, ki dukan waroh toh u man ki kiwa khang kiwa em hapoh ka Containment Area, wei ya iwa emkaam daw pynbiang da ki bru ki bor pynlai District.
Waroh ki yung krehkaam sorkar, ki yong ki bru samen kiwa em hapoh kani ka Containment Area toh u man ki kiwa khang hadooh wa pynmih hukum da kamwi.
U Assistant Sector Magistrate, Urban Jowai u man u kam u Supervising Officer kani ka Containment Area.
Kani ka hukum ym em khang ko ya ki warkeh Health Worker, ki wakreh (Essential Worker) ka Jowai Municipal Board, ki laad pathai khubor, ki Petrol Pump wa kiwa li booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
