U DHS (MI) ka jylla u Dr. Aman War da pyntip u wa neidaw wa hapoh ka BSF Campus wa em ha Umpling ym em de wa yoh COVID-19 nadooh ka 11 tarik uni u bnai kamtæ neiliang yong ki heh ka BSF da thoh ki cha ka sorkar wow pyndam noh wow pynman yei pynman Containment Area ya kani ka thaw.
U DHS da pyntip u leh wa lait na uwi u BSF uwa dang liwan uwa yoh COVID-19 uwa da em hapoh Quarantine ym em de chem ya kiwi kiwa yabi hapoh kani ka Campus wei neiliang ka chnat i chait i khiah da sñiaw ko wa da biang wow pyndam noh yei pynman Containment Area ya kani ka thaw wei da dep leh wow phah yaka Report cha ka DC, wei ye wow pyndam noh u pynman Containment Area ya kani ka thaw pyn myntu ka miet.
Neiliang ki Doctor kani ka Hospital ki BSF da kular ki wow pait bnaih wei wow pynkhor yaki kyndon wei lada em iwa jia, ki wow kitkhlieh.