Ka sorkar Meghalaya ynne da pynbna ko ya ki Montri sorkar wow man kam kiwa e ktien namo ki Spokesperson ka MDA-II wei kini toh ka Dr. M Ampareen Lyngdoh, u Marcuise Marak wa u Paul Lyngdoh.
Najrong kini ki le ngut, kiwi de kiwa e ktien toh u Montri Rangbah, u Conrad K Sangma wa u Symbood Montri Rangbah, u Prestone Tynsong.
Heiyatoh wa ki Portfolio yong ki Montri sorkar, u Conrad da pyntip u wa daw pynbna pyn myntu i janmiet.
Hawa kylli kammon u pait yow jied ya ki Montri sorkar, u Conrad da ong u wa daw leh heitæ i rukom wow lait nei leh chiliang wei kamjooh i sap wa i chemphang u bru wei ym toh katkam i kwah yong uwon uwon.
Da ong u leh wa hap hi leh wow pyrkhat yeiwa emkaam wei iwa bha tam neibynta ka jylla kamjooh i krehkaam ka sorkar.
Ha kani ka sorkar MDA-II da em 8 ngut ki Montri NPP, 2 ngut na ka UDP wa mar uwi na ka BJP wa HSPDP.
