Da pyndam ya ka President’s Rule ha Manipur

Ka Ministry of Home Affairs ynne da pynmih ko ya ka hukum wow pyndam noh ya ka President’s Rule ha Manipur wei yeini da leh khnang wow ye u pynskem noh ya ka sorkar thymme ha katai ka jylla.

Ya ka sorkar thymme da sdang ynne deiwa baamsmai ki MLA na ka National Democratic Alliance (NDA) wa yah ka BJP hapoh i man Chief Minister u Yumnam Khemchand Singh.

U Yumnam toh uwa na ka jaitbru Meitei katwa ki ar ngut ki Deputy Chief Minister, ka Nemcha Kipgen toh kawa na ka jaitbru Kuki wa u Losii Dikho na ka jaitbru Naga.

Related posts

Chah kem deilang wa kawi ka khyllood wa wan thied drugs na Byrnihat neidaw wa duna dor

February 4, 2026

Chi rta phah kset ka yung bichaar ya uwa thang ya ka kurim hadooh wa yap

February 4, 2026

Ka Gazette of India (Extraordinary) wa pynmih da ka Ministry of Home Affairs da ong ko wa ka President Droupadi Murmu da pyndam ko ya ka President Rule hapoh ka Article 356(2) ka Constitution.

U Yumnam da pyndep u leh yei chim smai ynne kam u Chief Minister iwa da leh da u Lat ka jylla, u Ajay Bhalla.