Shillong: Neidaw wa em kiwa yoh COVID-19 lane wa em kiwa em hei maa (High Risk Contacts) na u COVID-19 ha ki yung (Housing Complex) ha Block-II, Lawmali Pyllun kiwa yachem (High Risk wa Low Risk Contact) wa kiwa yoh COVID-19, kamtæ da emkaam wow leh yei booddien (Contact Tracing, Quarantine, Testing wa Isolation) kamjooh wow khang kset deiwa pyrkhat yei bha i miat ki paidbah neiwa ye u COVID-19 u poor. Ka District Magistrate, East Khasi Hills District, haka hukum wa pynmih haka 9th August, 2020 da pynbna ya ki yung (Housing Complex) u Thomlin Nongrum, Block-II, Lawmali Pyllun kam ka Containment Area nadooh ka 9th August, 2020 yow khang yei psiah i mih khlem da yoh bor chapoh kini ki thaw.
Ka hukum da khang ko ya kiwon kiwon ki bru paidbah wow psiah cha kini ki thaw wei kiwa em hapoh kini ki thaw ym toh wow mih ki cha lait wei wow neh biat ki hapoh yung.
Da khang wow pynman ya kiwon kiwon ki yalang paidbah, ki kaam khayi pateiñ kamjooh wow wai yaki dukan. Ya iwa emkaam daw pynbiang da ki bor District.
Waroh ki yung krehkaam sorkar kamjooh ki yong ki bru samen toh u man ki kiwa khang hadooh wa pynmih hukum da kamwi.
Kani ka hukum ym krehkaam ko ya ki wakreh ka chnat i chait i khiah, ki wakreh ka Shillong Municipal Board, ki laad pathai khubor, Petrol Pump wa kiwa li booh kum LPG.
Ya kiwa leh pyrchah daw pynchitom hapoh ka aiñ Disaster Management Act, 2005 waka IPC.