U SDO ka Amlarem Sub-Division da pynmih hukum u wow pyndam noh ya ka hukum pynman Containment Area ya ka chnong Dawki, Darrang, Bakur wa lymba nadooh ka 25 tarik uni u bnai.
Da pynmih ya kani ka hukum neidaw wa da duna kiwa yoh COVID-19 kiwa man kam kiwa em hei maa wa yachem ki wa kiwa yoh ya uni u khñiang ha kini ki chnong wa da kdaw haneiñ.
Ka hukum da chah ko leh wow sdang biang ya waroh ki khih ki khan du neibynta ka chnong Shnongpdeng tangwa ym pu chah u mih lane u psiah ki bru cha kani ka chnong.
Kam wow pynkynmoo wa ka hukum pynman Containment Area ya ka Shnongpdeng, Darrang, Kongwang, Lymba, Dawki wa Bakur da pynkrehkaam nadooh ka 14 tarik uni u bnai heiwa haka 21 tarik uni u bnai da pynmih hukum yow chah ya kiwa chong chnong ka Darrang, Dawki wa Bakur wow sdang biang ki yei khih i khan yong ki deiwa khang yei psiah i mih cha kini ki chnong katwa ya ka hukum Containment Area yaka chnong Kongwang da pyndam haka jooh ka sngi katwa ya ka Shnongpdeng da pteiñ ya ka.