15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Poi ka 1st Knockout Football Tournament ka Nangbah Sports Association cha wakut

Ka Iawmusiang Nangbah SC da rah ko ya i naam jop dooh ha ka 1st Knockout Football Tournament 2021 kawa pynman da ka Nangbah Sports Association (NSA) ha madan chnong Nangbah Dukhu ha ka 24 tarik uni u bnai.                                    

Ka Iawmusiang Nangbah da pynrem ko ya ka Dukhu Nangbah SC kawa man leh kam ka tre madan da 1-0 heiwa ya kani ka kool da thap da u Shanbor Biam.                

Ha kani ka Final da man kongsan da u Dr. D. Hinge In-charge PHC Nangbah deiwa emlang leh u Dolloi ka Elaka Nangbah u M. Garod, u Waheh Chnong u T. Iongwai wa ki dkhot ka EC ka Dorbar Chnong Nangbah. Da pynchongchit chooh chooh ya kani ka Final deiwa ya emlang u Joint Secretary ka WJDSA u K. Shylla, u President ka JSU u J. Shylla, u President ka KSU Jaintia Hills u O. Dkhar wa kiwi kiwi de.

Ha i klam yong u kongsan da pynchlur u ya kiwa yalehke wow man kiwa yalehke wa man ryntih, u kiar na ki jait dih wa sih, u sai ki ya ki sap ki phong yong ki yow man ka yalehke kawa yoosuk wei leh wow nang ki chaphrang ha ki kam Sport ki yong ki. U Doctor da kyntu u leh ya ki paidbah wa chong chnong wow bood ki ya ki kyndon yada na u COVID-19 wei wow chim ki ya i dawai tika yow yoh yada na ka khlam.          

Da pynkut ya ka yalang da i e khublei na u Secretary ka NSA u H. Lyngdoh.

Share this:
Previous

Da pyndam yei pynman Containment ya ka Dawki, Darrang, Bakur wa Lymba

Next

La 5 sngi em palat 3 lak ngut kiwa yoh COVID-19 ha India