15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pyndam yei pynman Micro Containment Area ya ki yung ha Iongpiah, Jowai

Advertisement ad1

Jowai: U District Magistrate, West Jaiñtia Hills da pynmih hukum u ynne ka 6 tarik yow pyndam noh yei pynman Containment Area ya ki yung u Lamwan Pasweth, Heisuk Kyndiah wa Pynhunlangki Toi ha Iongpiah, Jowai.

U District Magistrate da pyndam u yaka hukum hadien wa yoh yaka Report naka Health & Family Welfare Department, West Jaiñtia Hills wa da dep wow leh yei booddien namo ka Contact Tracing wa i e sikai wow im da ki myllien wa thymme.

Advertisement ad1

U District Magistrate da pyntip u leh wa ka Village COVID-19 Management Committee, Iongpiah, Jowai deiwa ya krehlang waka District Administration, Jowai Municipal Board wa District Surveillance Officer u pteiñ ki wow booddien yei long i man ha kini ki yung.

Kiwa sah da phah ya ki wow bood ki thij yaki kyndon wa da booh heiyatoh wa i chait i khiah, ym toh leh wow noh roi ki yei jhep yong ki wei wow leh ya waroh katkam ki kyndon kamjooh deiwa ya krehlang waki bor District, ki pulit wa ki bor chnong.

Kam wow pynkynmoo wa ya kini ki yung da pynbna Micro Containment Area nadooh ka 28 tarik u Naikhynde.

Share this:
Previous

Da toh pynhap ya uwi u chabi kari ha Jowai

Next

La 3 sien i ya tyrrah kari nadooh wa wai ka Atal Tunnel nei joor wa wan kiwa lai paitke