15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

La 3 sien i ya tyrrah kari nadooh wa wai ka Atal Tunnel nei joor wa wan kiwa lai paitke

Advertisement ad1

U Prime Minister ka ri u Narendra Modi haka 3 tarik uni u bnai da wai u yaka Atal Tunnel kawa ye u pynemkaam ha waroh chi snem. Tangwa nadooh wa wai ya kani ka Tunnel kawa da man leh kam ka thaw lai uiñke wa thymme, da em boon i leh khlem em i kitkhlieh da kiwa uiñke suwari hadooh wa da em i jia wa mynsoo le sien nadooh wa wai ya ka.

Ka Border Roads Organisation (BRO) kamjooh ki bor District da chem chitom ki wow pait yaki spah ngut ki kiwa wanke kamjooh kiwa yah kari kiwa pynhær kari hapoh kani ka Tunnel.

Advertisement ad1

“Haka sngi nyngkong da em 3 tylli ki ya tyrrah kari du chi sngi hadien wa wai u Prime Minister ya kani ka Tunnel neidaw wym burom ki bru ya ki aiñ yah kari, em leh kiwa chondur (Selfie) heipor wa dang lai ki kari,” da ong u Brigadier KP Purushothaman, BRO Chief Engineer, Atal Tunnel.

Chooh chooh da ong u wa ym chah ya kiwon kiwon wow pynsangeh ki yaka kari hapoh kani ka Tunnel.

Neiliang ka BRO da ong ko wa da paan pulit ki wow pait ya kani ka Tunnel kiwa duna bha katni. Kani ka Tunnel toh kawa jrong 9.02 Km.

Ka Border Roads Organisation da pyntip ko leh wa daw khang yaki paidbah wow pynemkaam ya kani ka Tunnel man-ka-sngi nadooh 9-10 i step wa nadooh 4-5 waje i janmiet.

Share this:
Previous

Da pyndam yei pynman Micro Containment Area ya ki yung ha Iongpiah, Jowai

Next

La T. 399 klur da pynlut ka sorkar wow yaleh pyrchah yaka khlam COVID-19