Jowai: U District Magistrate, West Jaiñta Hills da pynmih hukum u ynne ka sngi yow pyndam noh yaka hukum pynman Containment ya ki yung ha Jowai kiwa em ha Dulong i yong u Hunbait Challam wa kiwa em ha Chiliangraij ki yong Bunki Lanong, Soilin Lanong wa Poibiang Lanong.
U District Magistrate da pyntip u wa da pynmih ya kani ka hukum hadien wa da yoh yaka Report naka chnat Health & Family Welfare Department, West Jaintia Hills wa da dep wow leh yeiwa emkaam hei wow booddien ya kiwa em hei maa wow yoh COVID-19 kamjooh da dep wow e sikai wow im deiwa myllien da iwa thymme.
U District Magistrate da pyntip u leh wa ka Village COVID-19 Management Committee kini ki dong deiwa ya krehlang wa ki bor District, ka Jowai Municipal Board wa u District Surveillance Officer daw pteiñ ki yei booddien ya i rukom im kini ki manyung.
Ya kini ki manyung da phah yaki wow bood ki thij yaki kyndon wa yatoh wa i chait i khiah ym toh wow noh roi yei jhep wei wow leh katkam wa da pynyoo deiwa ya krehlang wa ki bor chnong, ki bor District wa ki pulit.