Ka District Level Inter School Subroto Mukherjee Cup Football Tournament 2026 ka West Jaiñtia Hills ynne dapoi ko cha ka sngi wa ynñiaw heiwa da pyndep leh ki yaleh Semi Final wa dang sah yong ka Under-15 Boys wa Under 17-Girls.
Ki yalehke wa da pynman toh le tylli ha Wahiajer Multi-Sports Complex.
Ha ka Under-15 Boys, ka North Liberty HS School da jop ko ya ka Mihmyntdu RC Eve. Sec. School da 7-0.
Ha ka Under-17 Girls, ka North Liberty HS School da jop ko ya ka Govt. Girls’ HS School da 8-0. Ha ka yalehke wa bood won, ka H.K. Singh Memorial Sec. School da jop ko ya ka Jaintia HS School da 4-0.
Kamtæ ki yalehke Final u pynman ki ha ka 3 tarik kiwa man kamni ha Wahiajer Multi-Sports Complex:
Under-17 Girls: North Liberty HS School, Jowai Vs H.K. Singh Mem. Secondary School, Jowai (10:00 AM)
Under-15 Boys: Jowai Govt. Boys HS School Vs North Liberty HS School, Jowai (12:00 PM)
Under-17 Boys: Amwi HS School Thangbuli Vs Sawlyngoh HS School, Mowkaiaw (2:00 PM)
Discussion about this post