15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pyndep yei sien wa 8 i yaklam ki warep waka sorkar

Advertisement ad1

U Union Minister for Agriculture u Narendra Singh Tomar, u Piyush Goyal u Union Minister for Railways, Commerce and Industry and Consumer Affairs, Food and Public Distribution wa u Union Minister of State for Commerce and Industry u Som Prakash da chimbynta ki haka sien wa 8 i yaklam wa kiwa mihkhmat ki warep na ki 41 tylli ki Farmers’ Unions ha VigyanBhawan, New Delhi ynne ka sngi. Heiwa sa chisien da kyntu ki ya ki warep wow yaklam iwi pa iwi i phang kiwa kwah ki u pynkylla heiyatoh wa ki aiñ ki warep (Farm Laws).

U Tomar da ong u wa ki Farm Laws da chna yaki deiwa pyrkhat yei myntoi ki warep ka ri. Heiwa ka sorkar ka sñiawkhia ko ya ki warep wei da kwah u leh ya ki warep wow pynkut noh ki yei yakhih tangwa neidaw wym ye u pynbiat, kiwi ki kaam wa dang sah leh ym ye wow pynbiat.

U Agriculture Minister da ong u wa ki warep da pynman ki yaka yakhih wa ryntih heiwa da yaroh u ya ini. Da ong u leh wa ka sorkar u pteiñ ko yei yaklam deiwa yaar i pyrkhat lada daw pteiñ biang i yaklam yow ye u poi noh cha wakut.

Neiliang ki warep da dawa ki wow pyndam ya kini ki aiñ heiwa ka sorkar da tyrwa ko wow pynkylla ya ki kyndon ki aiñ. Hadien ki yaklam kiwa jrong kiwa ym pu em poi cheiwon cheiwon, da rai wow pteiñ biang yei yaklam haka 15 tarik uni u bnai.

Share this:
Previous

Da pynman yei pyndur e dawai yada COVID-19 ha ki 33 tylli ki thaw sumaar ka Meghalaya

Next

Da toh pynhaap yaka muna wa em Laptop wa Camera