Shillong: Kam chibynta i pyndur (Dry Run) e dawai yada (Vaccine) na u khñiang COVID-19 wa da leh ha waroh ka ri ynne ka sngi, ha jylla Meghalaya da leh ya kani ka Dry Run ha ki 33 tylli ki thaw sumaar ha waroh ki 11 tylli ki District ka jylla.
Kani ka Dry Run da man ko kawa jop deiwa bood yaki le tylli ki bynta wa kongsan kitæ yow pyntikna ya ki wakreh haki kaam i chait i khiah kiwa toh u yoh ya ini i dawai, i pyndur e dawai, wei i yang 30 minit lada em iwon iwon i jia wym poi pyrkhat namo i chah ktah khlem em da thmu.
Palat 600 ngut ki wakreh ha ki kaam sumaar sukhær da chimbynta ki ha ini wa kynthup nadooh ki wakreh ha ki thaw yong ki bru samen wa kiwa pynlai da ki niam deilang wa ki wakreh ha ki thaw sumaar sorkar.
Da emlang leh kiwa mihkhmat naka World Health Organisation, John Hopkins Program for International Education wa naka United Nations Development Program kiwa da wan wow pait ya ini wa da leh.
Hadien ini da pynman yaka yalang wa khlieh da u Sampath Kumar, Principal Secretary, Health and Family Welfare Department heiwa da ap da sñiaw yeiwa da ong kiwa chimbynta yow tip u pynpliah chooh chooh. Kamtæ da ong wa ka jylla toh kawa da pynkhreh manda yoh ya i COVID Vaccine.
(Feature Image-File Photo)