Da pyndooh noh ya ka UDF ha KHADC hadien wa uiñ biang u PN Syiem cha ka Congress

Ka United Democratic Forum (UDF) kawa da chna da ki MDC ka Liang Pyrchah hapoh ka Khasi Hills Autonomous District Council (KHADC) da kylla noh ko cha ka Congress Parliamentary Party (CPP) hadien wa psiah biang u PN Syiem cha ka Congress.

U PN Syiem da jop u ya ka Election MDC na Mawkhar-Pynthorumkhrah na ka NPP tangwa du hadien kattu katni por da mih noh u deiwa man noh kam u MDC samen wei da chna noh ya ka UDF chirup wa ki MDC ka Congress tangwa hadien wa da uiñ biang u cha ka Congress, u PN Syiem da pynkut noh u ya ka UDF deiwa chna won da ka CPP heiwa ki dkhot katni em ki 9 ngut.

“Hadien wa uiñ O cha ka Congress, kamtæ kam ki MDC ka Congress da yachem lang i waroh wei da rai wow pynkylla noh ya ka UDF cha ka Congress Parliamentary Party (CPP) ka wow khlieh da u Lamphrang Blah kam u Chairman yong ka,” da ong u PN Syiem hawa yaklam wa kiwa pathai khubor.

Ha ini i yachem da emlang leh u Ronnie V Lyngdoh uwa man kam uwa ektien ka CPP, wei da thung leh ya u PN Syiem kam uwa ektien ka CPP.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamwa man kattæ da em hadooh 9 ngut ki dkhot ka CPP ha KHADC tangwa da sñiawthooh wa i boon paaid ka Congress daw ku chooh i khamtam hadien wa u Batskhem Ryntathiang u pyndam noh u ya ka chithi ieh dkhot u na kani ka seiñ.

Katkam ka Wyrta Khubor da ong wa u Batskhem da toh u chah pdiang lang u ha kajooh ka sngi wa pdiang ya ki dkhot warim ka Congress tangwa da em ki kattu katni i pynbait wei dang yang yeiwa tikna lada u psiah biang u cha ka seiñ.

Heiyatoh wa u Batskhem, da ong leh wa sa kattu katni ki MDC hapoh ka KHADC kiwa daw uiñ biang cha ka Congress i wow pynboon paaid chooh ya ka seiñ ha KHADC.