U Montri Rangbah ka jylla, u Conrad Sangma da ong u wa ym slem de daw ye noh u pyndam yei pyndooh bordiñ hapoh ka jylla wei kattæ da pynduna cha ar kynta chi sngi.
Yeini da ye u leh hadien wa da ye u pynkrehkaam biang ya ka Unit wa thymme ka Umtru wei kamjooh dapoi biang ka bordiñ naka OTPC Plant wa em ha Tripura.
U Montri Rangbah da pyntip u leh wa dang yang yei pynchna ya ka 2nd Unit ka Stage IV Umiam chwa wow ye u pyndam syndon ya ka Load Shedding.
Kam wow pynkynmoo wa ka pyndooh bordiñ namo ka Load Shedding ha kani ka kynti toh kawa da sdang nadooh ka 30-04-22 heiwa yei por pyndooh da pynkylla neipor cheipor wei katkam wa man katni da pyndooh bordiñ soo kynta chi sngi iwa da yabhah mar ar kynta.
ka Load Shedding toh neidaw wymye wow pynkrehkaam ya ki 5 tylli ki thaw namo ki Unit kiwa ka jylla jooh yoh ko ya ka bordiñ wa kynthup ya ka yong ka NEEPCO wa ka OTPC natlor ki Unit kiwa man ki yong ka jylla.
Ki 3 tylli ki Unit wa jooh e bordiñ ym em u krehkaam ki katni, wei kini kynthup ki ya kiwa e bordiñ hadooh 110 MW, iwa pynman ya ka jylla wow duna bordiñ ko.
Ki 3 tylli ki Unit kiwa ka jylla em ko, wa kynthup ya ka Lechka, Umïam wa Umtru kiwa dang em hapyrdi i chna pynmiat iwa ymye wow kiar, ini mut wa 42 MW na ka Lechka wa kamwa 21 MW na Umtru da chah ktah ka bordiñ.
