Ka sorkar Meghalaya ynne ka sngi da rai ko wow pynhiar noh ya ka dan (Value Added Tax) ya i kiad na ka 40% cha ka 37.5%, wei kamjooh wow pyndam noh ya ka bai kit kiad wa 25% kawa da pynku ha u Thohlakhmi (Feb) 2020.
U Symbood Montri Rangbah, u Prestone da ong u wa najrong i pynhiar ya ka VAT, ka sorkar da rai ko leh wow pyndam noh yaka dan wa 25% na ka bai kit kiad, deiwa booh biang ha i dor T.2 kamwa jooh leh ha chwa u Thohlakhmi. Da ong wa da ini i pynhiar ya i dor yong i kiad, ka sorkar jylla daw dooh nong ko palat T. 80 klur ha ka chi snem.
Hawa kylli ya i daw wa ka sorkar da chim ko ya ini i rai hawa da tip ya i dooh nong, u Prestone da ong u wa ka sorkar ym yohsa ko wow pynhiar ya ka dan ya hiar pathan ka yaw dai kiad neibhah wa ka sorkar Assam dang ini wa dep da pynhiar ko boon bha ya i dor yong i kiad.
