Ynne ka sngi hadien wa mih ka khubor ha u Wyrta wa chah kem ki ar ngut wa thmu wow tympdung bomb ha Toll Plaza kawa em ha 7 Mer, West Jaiñtia Hills, hawa yaklam wa u SP ka District, u Bikram Marak da pyntikna u yeini waroh.
Neiliang u Bikram da ong u wa ini i kaam toh iwa da takit ki pulit ka District chirup wa ki pulit ka East Jaiñtia Hills, wei da ye u leh yeini toh katkam ka yutip wa tikna wa da yoh ki pulit.
Heiyatoh wa ka sngi wa thmu ki wow tympdung ya ki bomb, neiliang u SP da ong u wa katkam wa man katni ymtip yeini neibhah wa i takit dang lai i chaphrang.
Katkam wa man kattæ kini ki ar ngut da em ki hapoh ka Police Custody wei dang takit ya ki hajrong ini waroh.
Da ong u leh wa katkam wa man katni da pynjoor bha yei sonteri ha ini i thaw wei hajrong wa da em chwa ki bru yong ka Toll Plaza, da booh leh ya ki pulit ka chnat wow leh yeiwa emkaam.
Da ong u leh wa i takit hajrong ini waroh dang lai i chaphrang wei ki pulit u pyntikna ki yei chngaaiñ yong waroh walang.
