Da pynkha ka sorkar ya ka chnat thymme wow pynku yei pynmih dud hapoh jylla

Shillong: U montri rangbah ka jylla, u Conrad K. Sangma ynne ka sngi da wai u ya ka Directorate of Dairy Development wa ka Meghalaya Milk Processing Centre ha Mawiong, hei emlang u symbood montri rangbah, u Prestone Tynsong, wa kiwi kiwi heiwa u Conrad da ong u wa kani ka chnat wa ka yung krehkaam toh wow pait yei bor pynmih dud hapoh ka jylla.

U Conrad da ong u wa aw jan waroh ki jylla ka thaaiñ mihsngi duna ki hei bor wow pynmih dud wei da yooluti u wa deiwa wai ya kini daw ye wow pyndap yei emkaam dud hapoh ka jylla iwa kynjoh 2,00,000 metric ton i dud ha ka chi snem wow pyndap yeiwa emkaam ki khynnah.

Da ong u leh wa em chiboon i dawa ya i dud wei ka jylla ye ko wow pyndap yeiwa emkaam ym du hapoh ka jylla tangwa wot cha kiwi tawon leh kamjooh.

Heijooh i por da mong u wa ya kani ka Milk Processing Unit daw ekti noh ya ka ha ka East Khasi Hills District Milk Cooperative Union.

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

U Prestone hawa e yei klam da klam u hajrong i kaamram yong ki seiñ namo ki Cooperative Society ha i kaam wow pynmih dud deiwa kyntu ya ki wow minot ki khnang wow ye ki u e khih e kreh ya kiwi tawon ym du ha sor tangwa wot cha palatsor.

U Agriculture Production Commissioner, u K.N Kumar da ong u wa ka India toh kawa heh dooh wow pynmih dud ha waroh kawi ka pyrthai iwa man 16% na i bor pynmih ha waroh kawi ka pyrthai.

Katkam wa man katni i pynmih dud hapoh Meghalaya neibynta samen bru man i 83 gram iwa man iwa duna hawa wyrchaw ya ka ri waroh kawi (National Average) 315 gm. Ini pynyoo i wa em i duna wa 1.65 lak metric ton wei emkaam wow pynku yei pynmih dud khnang wow pyndap yeiwa duna.

Hapoh jylla na ki masi wa da psan boon toh neibynta i doh katwa du 40% won toh neibynta wow pynmih dud katwa kamtæ u Kumar da kyntu u ya kiwa boon wow pait cha kani ka bynta wow yarap u psan da ki masi kiwa e dud.

Da pyntip u leh wa em du le tylli ki Dairy Processing Units hapoh jylla wei daw chna chooh ya ki khnang wow pyndap yeiwa emkaam.

Kiwi kiwa da em ha kani ka sngi toh u P.T. Sawkmie, MLA Mawlai Constituency, George B. Lyngdoh, MLA Umroi, Edelberth Nongrum, MLA North Shillong, wa kiwi kiwi.