15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynkha yaka seiñ kiwa yah thuk thuk ka Tuber

Advertisement ad1

Kiwa yah thuk thuk ka chnong Tuber ynne ka sngi da seiñ ki ya ka Tuber Bikers & Tour Association Tuber Kmai Shnong, East Jaiñtia Hills.

Ha kani ka sngi da pynman leh yaka lai uiñ namo ka Tour nadooh Tuber Kmai Shnong-Ladrymbai-Rymbai-Iapmala-Leshka-Amlarem-Jowai-Tuber Kmai Shnong, heiwa u Waheh Chnong da e sñiawbha u wow pyndap umphniang ya waroh 28 tylli ki thuk thuk wa ya cimbynta ha kani ka Tour chirup deilang i synran i yong oo da ka kari u.

Advertisement ad1

Ha kani ka Tour da jied wei pynskem ya kiwa kitkaam yong ka deiwa pynman yakayalang ha Leshka.

Kiwa kitkaam yong ka man ki kamni ha wah:

  1. President- U Bida Kyndait
  2. Vice President- U Wanthmu Phawa
  3. General Secretary-U Heimonmi Phawa
  4. Asst. General Secretary-U Iarap Sana
  5. Treasurer-U Markos Ryngkhelm
  6. Chief Adviser-U Jiedlang Sana (Waheh Chnong Tuber Kmai Shnong)
  7. Sub-Adviser- U Janly Dkhar

Ha i klam u President da ong u wa i seiñ ya kani ka Association toh ka dak wa sñiawsuk, i ya maya para wa yah thuk thuk (Motorbike) ha kani ka chnong, yow ya krehlang la heiwon heiwon i bynta ka chnong emkaam ko ya i wei kamjooh leh ha ka District yong i. Lyngba kani ka Tour, e sikai ko leh ya ki khynroo ha kawa kamon wow yah Bike deiwa lait nei mynsoo.

Da pynkut u President deiwa e ngooh ya u Blai wa da wa kær u ya waroh.

Advertisement ad1
Share this:
Previous

117 ngut kiwa yoh, 78 kiwa chait wa sa 2 ngut wa khlaad na u COVID-19 ha Meghalaya

Next

Yoh ka South West Garo Hills kam ka District wa lehbha dooh hei psan dakha