15 49.0138 8.38624 1 0 4000 1 https://wyrta.com 300 0
Advertisement ad1

Da pynkhreh ka chnong Moosakhia wow pdiang ya ki phareng
Kylla dur ko bak la bak neiwa jooh

0 Comments
Advertisement ad1
Advertisement ad1

Moosakhia : Ki nongchong chnong ka Moosakhia ha kani ka 6 tarik daw pdiangburom ki ya kamwa 60 ngut ki phareng kam chibynta yong ka “Internatioanl Terra Madre” namo ka Mei Ramew Festival. Kini ki pahreng daw wan ki na ki ri wa boon yong ka pyrthai kiwa daw yohlad u maad ya ki jait baam wa boonjait, u ap ya ki sur ki rwai, ki tem ki put wa pher wa pher yong ka chnong kamjooh leh u sakhi ya ki dustur riti hadooh i rukom rep ki bru yong kani ka chnong.

Hei yoh u lai sakhi ynne ka sngi da chem wa i pynkhreh neibynta kani ka sngi da lai i chait chait. Ha chwa u psiah cha ka chnong da chna ya i ah dur iwa da pynwan dur da u ma Khroo Lanong iwa e pyrtuti u “Ka Syrngiew u longshwa” i wa man kam i dak wow pynkynmoo ya waroh ya ki longchwa. Da pynwandur ya ini ha syrngu ki bru.

Ha ka madan ka chnong da pynyieñ ya ki yung lyntoor kamjooh ya ki dukan wow pynyoo rong ya ki boon jait ki jhoor, ki baam, ki tiar rep wa kiwi. Da yoh u yoo ynne ka sngi ya i chna ki bru kani ka chnong ya ki masi loor kiwa man ka nuksa ya ki rong wa jooh rah ki ha ki por Behdieñkhlam. Weiwa da ker soodong ya u wi u moo pynyeiñ wa em ha kani ka chnong uwa da yoh yei pyrtuid kani ka chnong.

Da yoh mynkna ka chnong leh ya 35 tylli ki solar street light kiwa da pynyieñ ynne ka sngi.

Ka chong leh da chna ko leh ya uwi u mot u Mahatma Gandhi kam i dak burom ya ka skhim MGNREGA  iwa da pynkylla dur ya kani ka chnong da ong u ma Realsingh Muksor.

Da ong chooh chooh wa ka chnong da yoh myntoi skahiat ko na ki skhim sorkar kam wa da dep chna ki ya ki paiñkhana ha man kawi pa kawi ka yung wei da yoh ko leh ya i naam “Open Defecation Free Village”. Wei dang dep yoh ki leh sa 35 Lak na ka sorkar hgapoh ka skhim “Integrated Watershed Management Programme.” Kani ka chnong man ko kawa raw um ha ki por tlang kamtæ katni, dei yarap kani ka skhim da ye ki u pyllang ya ka um slap.

U ma Realsingh da ong wa hadien ka 6 tarik kyrmen u wa ka chnong yong ki ym mylliñ ki u leh khooid ya ka chnong, u yada ya ki mrad wa em ha rymaw kamjooh leh wymhoi de u pam pathar ya ki dieñ ki seij.

Advertisement ad1

0 Comments

Leave a Reply