U Chief Electoral Officer ka jylla, u Dr. B.D.R. Tiwari da ong u wa ka jylla da pynkhreh ko neibynta ka By-Election cha Lok Sabha na Shillong, heiwa da man kawa da pynkhreh bha ha iwon iwon i por wa pynbna tarik ka Election Commission of India.
Da ong u wa da chong yalang u wa u Chief Secretary wa kiwi ki chnat lada em i duna khnang wow ye ki u pyndap yeitæ kamjooh da yaklam wa ka DoT wa ki Telecom Service Providers.
Ha ka yalang da kyruiñ leh cha ka um, bordiñ, paikhana wei da paan yarap wa chipor na ka MePDCL, PHE, Education Department wa kiwi.
Da kyntait u leh wow antaad ya ka tarik wow man ka By-Election deiwa pynrap wa ha iwon iwon i por wa pynbna ka ECI heitæ u ye u khana.
Chooh chooh da ong u wa boonsien ya ki Election chiteiñ samoi jooh pynman hapoh 6 bnai tangwa ka ECI da chimpor ko na ki daw wa boon ha kani ka kynti.
Discussion about this post