Ka District Magistrate ka East Khasi Hills District hapoh ka Section 163 BNSS, da pynkrehkaam ko ya ka Night Curfew nadooh 8:00 waje i miet hadooh 6:00 waje i step deiwa kheiñ 1 Km na u Zero Line (International Border) deiwa khang yei lai i wan ki bru hajan u pood dei thmu wow kaap cha chiliang u pood cha Bangladesh næ wow psiah tooh chapoh India.
Da khang leh wow pynman yei lai paidbah, ki yalang paidbah deiwa em palat 5 ngut, u rah tiar yasiat, ki tiar pynmynsoo, ki moo ki dieñ hajan u pood Indo-Bangladesh kamjooh ki kaam pyrchah aiñ nadooh wow khayi masi, u pathi u kwai, ki biri sikret, i ktung, ki sla chwa wa kiwi de.
Ya kani ka hukum da pynkrehkaam neidaw i long i man ha Bangladesh kattæ wa ye u pynman ya kiwa boon wow psiah pyrchah aiñ nadooh ki seiñ kieñ suloi wa kiwi ki kaam pyrchah aiñ ha khappood.
Da ong leh wa ki kattu katni ki thaw wa em ha khappood ka East Khasi Hills toh ki wym pu em dep kær bha wei da pynemkaam wow psiah tooh da ki bru kamjooh ki damok khamtam heipor miet yow khayi tooh iwa da pynthut yei suk i saaiñ hapoh ka District.
Kani ka hukum u krehkaam ko chisiendon wei u neh ko ar bnai nadooh wa pynbna ya ka.
Discussion about this post