Ka DC ka East Khasi Hills da pynkrehkaam ko da ka Section 144 CrPC ha waroh kawi ka sor Shillong wa ha khap sor neidaw wa i pynman yei lai paidbah da ki seiñbhalang wa kiwi ki jait seiñ ha Shillong na ki por cha ki por ym jooh bood ki ya ki kyndon wa da booh ki bor sorkar heiwa da ktah da pynthut ko yei lai i wan ki paidbah nadooh ki khynnah skur wa waroh hi.
Da kdaw leh yeiwa jia ha ka 28 tarik uni u bnai heiwa i lai paidbah da wanrah ko yei cha dat ki bru wa lai wa wan kamjooh da chah tympra ki kari iwa da wanrah yei sier mynsien ki bru.
Chooh chooh da pyntip wa da em kiwi ki seiñ kiwa daw pynman ya ki lai paidbah wa syndet syndet hapoh Shillong, kamtæ da pynkrehkaam noh da ka Section 144 Cr.PC yow khanglaad ya kiwa chim kabu yow pynthut yei suk i saaiñ.
Hapoh kani ka hukum da khang wow yalang palat 5 ngut ki bru neibynta wow lai paidbah ha waroh kawi ka sor Shillong wa ki khap sor wei ya kiwa leh pyrchah daw pynchitom katkam ka Section 188 ka IPC wa kiwi de.
Kani ka hukum ym krehkaam ko neibynta ka lai paidbah yong niam kiwa da yoh bor chwa.
Kam wow kdaw heini da em i thmu ka HYC wow pynman yei lai paidbah hajrong ka phang Save Hynniewtrep Movement.
