Da pynkrehkaam noh ka Siju C&RD Block ka South Garo Hills 

U Montri Rangbah ka jylla, u Conrad K Sangma ynne da wai u ya ka Siju C&RD Block ha South Garo Hills heiwa da ong u wa kani ka Block man ko kam chibynta yong i warom ya u Captain Williamson A. Sangma, uwa man u Montri Rangbah wa nyngkong dooh uwa na chnong Siju.

Da ong u wa ki 50 snem wa da lai toh u em chiboon i kylla tangwa ka Meghalaya dang sahdien ko hawa nujor wa kiwi ki jylla heiwa katni da booh thong wow kreh neibynta ki 50 snem ki wow wan kam chibynta yong i lehkmen dap 100 snem ka jylla. 

Da em palat 3,000 ngut ki bru wa da wan sakhi ya kani ka sngi ha Siju, heiwa ya u Montri Rangbah da synraan da u Deputy Speaker ka Meghalaya Legislative Assembly u Timothy D Shira, ki MLA wa kynthup ya u Rakkam Sangma, u Marcuise Marak, u Jim Sangma, u Rupert Momin wa u Chief Executive Member ka Garo Hills Autonomous District Council kiwa da wai ya u mooyurim yong kani ka C&RD Block wa thymme.

Neiliang u Conrad da ong u wa ka sorkar MDA da kreh ko liang wanang wow wanrah yei kylla ha ka jylla wei i chna ya ka Siju Block daw pyntikna i wa da pynkrehkaam bha ya ki Scheme sorkar. 

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong u leh wa ka sorkar da kreh ko hei wow pynku ya i yoh i laa ki paidbah deiwa sdang ya kiwa boon ki thong krehkaam khamtam ya ki warep ki wow myntoi neibynta 10 snem wow wan lyngba i kyrchaan poisa ya ki. 

Ha kani ka sngi da e kti leh ya ka FOCUS Plus Card cha kiwa yohmyntoi wei da e leh ya ki Cheque cha ki SHG wa kynjoh T. 28 lak hapoh ka Meghalaya State Rural Livelihoods Society-MSRLS.

Da saam leh ya ki khon sñiang hapoh ka Rural Backyard Piggery wa ka Poultry Scheme-PROGRESS, heiwa da e 1392 tylli ki khon sñiang cha ki 348 ngut wa ki 2,500 tylli ki syiar Kuroiler cha ki 50 ngut. 

Neibynta ki seiñ kynroo ka Siju, da e eh T. 1 lak cha kiwa myntoi na ka YESS Meghalaya Program.

Ha kani ka sngi u Conrad da wai u leh ya ka Collective Marketing Centre ka Gangga Awe IVCS ha Siju lyngba ka Meghalaya Livelihood Access to Market Project. Kani toh kawi na ki IVCS wa kreh bha hapoh ka jylla wei kamjoh da wai u leh ya ka Cold Storage Unit wa da e cha ki.