U District Magistrate, East Jaiñtia Hills District da pyntip paidbah u wa da joor bha i tyngkheiñ ware ya ki kyndon yada COVID-19 ha kylleiñ ka District khamtam ha ki kari kamai, ki thaw paidbah wa ki thaw wa man yaw.
Chooh chooh da ong u wa khnang wow bood ya ka COVID Appropriate-Behavior (CAB) namo i pynmyllien wow im deiwa yada na u COVID-19 wei wow khang yei poor ka khlam hapoh ka District kamtæ da pynkrehkaam noh ya ka kyndon Section 144 Cr.P.C wa ka Section 10 (2) Disaster Management Act, 2005 wow pynkreh ya ka CAB heiwa da phah ya waroh wow sap ki ya ki Mask ha ki thaw kreh, ha ki thaw paidbah wa ki kari kamai.
Da phah leh wow yait u kiar ya ki thaw paidbah wei wow jngai 6 feet iwi na iwi wei wow dam u khublei-kti wei waroh ki dukan toh u bood ki ya kini ki kyndon.
Chooh chooh da phah leh wow sait-khooid ya ki kti ha thaw kreh, wow pynkhooid ya ki dwar, wei wow pynduna ya kiaw kreh khnang wow ye u pynjngai ya ki bru.
Kani ka hukum da krehkaam ko nadooh wa pynmih ya ka wei kiwa leh pyrchah daw chah pynchitom ki katkam ka Section 51 hadooh 60 yong ka Disaster Management Act, 2005, ka Section 185 ka IPC wa kiwi kiwi.
