15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynkrehkaam ya ka 144 CrPC ha EJH hadien wa pynbna yakhih ki seiñ pyrchah ya ka CAB

1 Comment
Advertisement ad1
Advertisement ad1
Advertisement ad1

Khliehriat: U District Magistrate, East Jaiñtia Hills District, Khliehriat da pynbna u wa da pynkrehkaam ya ka 144 CrPC ha waroh kawi ka District.

Ya kani ka hukum da pynmih hadien wa pynbna yakhih ka Confederation of Meghalaya Social Organization (COSMO) wa ka North East Forum of Indigenous People (NEFIP) ha i miet ka 18 wa 19 tarik uni u bnai kam ka dak wow pyrchah yei thmu pynman aiñ ya ka CAB.

Neiliang ka Khasi Students Union (KSU) wa ka Garo Sudents Union (GSU) won hapoh ka lama North East Students’ Organization da pynman yakhih ki ha Additional Secretariat nadooh 12:00 i sngi hadooh 4:00 i janmiet.

Kamtæ hajrong kini waroh, u F.M. Dopth, District Magistrate, East Jaiñtia Hills District, Khliehriat da pynkrehkaam u ya ka Section 144 Cr.PC wow khang pyrchah ya kiwon kiwon ki bru wow pynthut yei lai i wan ki kari.

Da khang pyrchah leh wow yalang palat 5 ngut ki bru wei kamjooh leh wow rah ya ki tiar pynmynsoo ha waroh kawi ka District.

Advertisement ad1
Advertisement ad1

1 Comment

  • November 18, 2019 at 1:49 pm
    Barris M

    Swe wow klam, toh u khon dkhar.. Jai Gorkhali.. 👽

    Reply

Leave a Reply