Shillong: U District Magistrate, East Khasi Hills District, Shillong da pynkrehkaam u ya ka Section 144 CrPC wow khang yei yalang palat san ngut ki bru chirup hapoh 2 km talawiar yong ka Motphran wa Harijan Colony.
Kani ka hukum da khang ko leh ya ki bru namo ki bru wow pynthut ya i lai i wan ki kari ha kani ka thaaiñ, da khang leh wow rah ya ki tiar pynmynsoo ha kani ka thaaiñ.
Kani ka hukum ym krehkaam ko ya ki bor pulit næ chipai kiwa sonteri ya kani ka thaw.
Yeini da leh neidaw wa ka Shillong Municipal Board daw leh ko ya ka Inventory Survey wow biah ya ki Official Notice ha Harijan Colony, Mawlonghat, Shillong wei wa kani ka sngi da dap chi snem nadooh wa mih i awri ha kani ka thaw.
Ya kani ka hokum da pynmih khnang wow pynneh pynsah ya i chongsuk wei da krehkaam ko nadooh wa pynmih ya ka.
Discussion about this post