Shillong: Ka sorkar jylla ynne ka sngi da rai ko wym pu pynman ya ka Election MDC cha ka Garo Hills Autonomous District Council (GHADC), wei wow e kti noh chwa ha u Lat ka jylla deiwa pynkrehkaam daka Administrator Rule.
Hawa klam wa ki laad pathai khubor, u Montri Rangbah ka jylla, u Conrad K Sangma da pyntip u wa i daw wa da pynsangeh chwa wow pynman yaka Election MDC ha GHADC toh neidaw wa em ka khlam COVID-19, wei ka sorkar da chim ko ya ini i rai hadien wa da ya syllok chwa wa ka chnat i chait i khiah.
ADVERTISEMENT
Da ong u wa katkam ka Sixth Schedule, i synchaar Administrator toh u neh ko du 6 bnai, tangwa ka sorkar dang bichaar ko yai long i man yong ka jylla na ka khlam COVID-19 wei daw pynbna ya ka tarik yong ka Election rap hadien.
