Jowai: Ka dhab ki montri ka sorkar MDA ynne ka sngi da mynjur ko wow pdiang ya i tyrwa na ka tnat puræ puthi wow pynku ya ka bai baam yong ki khynnah kiwa da pass ya ka exam wa jooh pynyaleh da ka Directorate of Educational Research and Training (DERT) khnang wow pynchlur ta ki khynnah ha i puræ puthi.
“Ka sorkar da pynku ko ya ka bai baam namo ka scholarship wa man u bnai na ka T.100 cha ka T. 600 chi bnai ya ki Lower Primary wei na ka T. 40 cha ka T. 600 ya ki Upper Primary,” da ong u Lahkmen Rymbui, Montri ka tnat puræ puthi ka jylla.
U Montri da ong u wa em 264 ngut ha ka Lower Primary wa 84 ngut ha ka Upper Primary kiwa yoh ya ka bai baam na ka sorkar.
Ha iwi i liang u Lahkmen da ong u leh wa ka sorkar da mynjur ko wow thung biang ya kiwa sikai sa 16 ngut ha ki ar tylli ki Govt. College ha Williamnagar wa Tura.
Chooh chooh u montri da ong u wa ha ka Tura Govt. College em 13 tylli tam ki kreh (post) kaam sikai wa lait katwa ha Williamnagar em 3 tylli.
Discussion about this post