Da pynku tulop ya ki MLA wa katni wa ya kiwa da chong ngiah

Shilllong: Ka yung dorbar ynne ka sngi da mynjur ko wow pynman aiñ yow pynku ya ka baibaam tymmen yong ki MLA cha ka T. 30 hajar chi bnai. Ya kani ka aiñ ka wa tip kam ka “Legislative Assembly of Meghalaya (Members Pension (amendment) Bill 2017)” toh kawa wanrah da u MM Danggo u montri ka tnat Parliamentary Affairs.

Deiwa mynjur lut ki MLA, kattu waroh ki MLA kiwa da chongngiah u yoh baibam tymmen ki T. 30 hajar chi bnai.

Hei jooh i por, ka yung dorbar leh da pdiang wow pynku tulop yong ki MLA lyngba ka Meghalaya Legislators Salaries and Allowances (Amendment) Bill, 2017, kawa da pdiang da ka yung dorbar ynne ka sngi.

Kani ka aiñ (Amendment Bill), toh wow pynu tulop wa kiwi kiwi de ki su ya ki Montri, Speaker, Parliamentary Secretary, kiwa yah khmat ka liang pyrchah wa ki dkhot yong ka yung dorbar thaw aiñ ka jylla.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Katkam kani ka Amendment Bill wa wanrah ynne ka sngi hapoh ka yung dorbar ka tulop yong u Speaker, da pynku na ka T.63,600 cha ka T.1,08,000, ya u Deputy Speaker da pynku na ka T.62,750 cha ka T.1,06,000.

Neibynta yong u Montri Rangbah da pynku na ka T.64,000 cha ka T.1,09,000. Ya ki montri da pynku na ka T.63,600 cha ka T.1,07,500. Ki Montri Khynnah da pynku na ka T.63,200 cha ka T.1,07,000, katwa ya ki Parliamentary Secretary da pynku na ka T. 62,750 cha ka T.1,06,000 chi bnai.

Katwa nei bynta yong ki MLA, ya ka tulop yong ki da pynku na ka T.34,000 cha ka T.60,000. Ya kiwi ki su cha ki MLA kawa jooh yoh T.5000 da pynku cha ka T.15,000 kam ya ki bai phone wa kiwi tawan ki emkaam ki da booh T.11,000. Kiwi de ki su wa T. 3000 da pynku cha ka T.10,000. Ka su T. 7000 da pynku cha ka T.14,000. Ya i su kawa T. 6000 da pynku cha ka T. 12,000 heiwa khieñ waroh ka su ya u MLA ha ka chibnai da ku cha ka T.1,21,000.

Neibynta kiwa yahkhmat ya ka liang pyrchah hapoh ka yung dorbar da pynku na ka T. 63,250 cha ka T. 1,07,000.

Kiwi de ki Bill wa da mynjur ka yung bichaar toh ka Meghalaya Community and Public Services Social Audit Bill 2017, ka wow e laad ya ki paidbah wow leh audit ya ki kaam wa da chna da ka sorkar ha waroh ka jylla kawa ya sariem wa ka Social Audit yong ka skhim 100 sngi na ke MGNREGS.

Ka yung dorbar leh da pdiang ki yei pynkylla ya ka Compulsory Registration of Marriage Act (amendment) Bill 2017 katkam i dawa yong ki Balang waphær waphær.