Ka sorkar pyrdi da pynthymme ko yei yaleh Passport deiwa pynkylla ya ka Passports Rules, 1980 deiwa pynku yei dor wow leh Passport thymme, Tatkal næ wow chna salan ya ka Passport wa wiar næ sih.
Ini u sdang krehkaam i nadooh ka 1 tarik u July, 2026.
Hapoh ini, ka Pasport thymme næ ka Re-issue wa 36-Page da pynku na ka Rs. 1,500 cha ka Rs. 2,500, katwa deiwa leh Tatkal hap su Rs. 5,000 na ka Rs. 3,500 nachwa.
Ya ka Passport wa 60-Page da pynku na ka Rs. 2,000 cha ka Rs. 3,500, katwa ka Tatkal na ka Rs. 4,000 cha ka Rs. 6,000.
Wow kylliang ya ki Passport wa wiar næ sih leh da pynku, heiwa ka 36-Page Passport u man ko Rs. 5,000 katwa ka Tatkal Rs. 7,500. Ya ka 60-Page Passport da pynku cha ka Rs. 6,000 katwa ka Tatkal Rs. 8,500.
Kiwa hapog 18 snem ka Re-issue wa 36-Page Passport man ko Rs. 1,750 katwa ka Tatkal Rs. 4,250. Wow kylliang ya kiwa da sih næ wiar man ko Rs. 4,250 katwa ka Tatkal won Rs. 6,750.
Ha ka 20 tarik uni u bnai da pynmih ya ka Notification hapoh ka Section 24 ka Passports Act, 1967 heiwa da pynkylla yei dor ki kaam wa yatoh wa ka Passport.
Ka Emergency Certificate u man ki mynkna ha India, cha baar ri u man ko $15. Ka Certificate of Identity u man ko Rs. 1,000 ha India wa $50 cha baar ri.
Neibynta ka Police Clearance Certificate (PCC), Surrender Certificate, Global Entry Program wa kiwi ki kaam Passport da booh Rs. 750 ha India wa $40 cha baar.
Ini wan i chi sngi hadien wa ka Ministry of External Affairs da pynche ko wa ka Passport toh ka kot wow lai baar ri donhi ymtoh u pynsakhiat yei man tre ri.
Discussion about this post