Ka Ministry of Health & Family Welfare ka sorkar India da pynku da T. 1000 chi bnai hapoh ka “India COVID 19 Emergency Response and Health Systems Preparedness Package” neibynta ki ASHA kiwa da kreh neibynta wow yakhun ya ka khlam COVID-19.
Hajrong ini da e yarap ya ki na ka “Pradhan Mantri Garib Kalyan Package: Insurance Scheme for Health Workers Fighting COVID 19”, wow yoh ki ya ka Insurance wa T. 50 lak ya ki wakreh heiyatoh wa i chait i khiah (Public health providers) kamjooh leh ki ASHA, kiwa em hei maa (Risk) wei chah ktah neidaw u COVID-19.
Ki kaam wa yatoh wa i chait i khiah toh ki bynta namo ka Subject ka jylla (State Subject), katwa kamtæ toh i kaamram yong ki wow su ya ka nong ki ASHA wei chong i ha ki sorkar jylla.
Chooh chooh ka Ministry of Health and Family Welfare, da kyntu ko leh ya ki sorkar jylla wow pyntikna wa ka nong ki ASHA toh u yoh ki yaka poisa heipor wa biang khlem pynslem.
Yeini waroh toh da ong u montri khynnah (Minister of State) ka sorkar pyrdi wa pait ya ka chnat Health and Family Welfare, u Ashwini Kumar Choubey ha Lok Sabha ynne ka sngi.
